Om oss:

Balholm er det gamle navnet på Balestrand, som ligg i midtre Sogn. Dette er ein lun fjordregion, der frukttrea truleg har blomstra sidan vikingtida. Klimaet i Sogn gjer at frukta modnar saktare enn på sørlegare breiddegrader, noko som gir meir syre og konsentrert smak. Då Åge Eitungjerde overtok bruket etter bestefaren på midten av 90-tallet, såg han etter nye måtar å utnytte frukta på.  Balholm  – den gang kalla Gulleple – vart eit pionerprodukt; den første heilt naturleg fruktmost på den norske marknaden. I dag lagar Balholm over 40 ulike produkt, både fruktmost, limonade, cider, fruktvin og brennevin. Åge og kona Eli Grete Høyvik har sidan 2004 bygd opp Ciderhuset i den gamle frukthagen frå 1922, ut frå ein idé dei trudde på; «Frukt er utruleg spennande – og cider er den norske vinen.» Med fire born i huset – Gard, Solveig, Ragnhild og Heidrun – var det bra med arbeidshjelp opp gjennom dei første åra. Då sonen Gard og kona hans, Tuba, frå Tyrkia, bestemte seg for å slå seg ned i Balestrand, vart Ciderhuset fornya. Dei etablerte sommarrestauranten som raskt blei ein suksess, og starta sjokoladeproduksjon og vidareførte interessa si for internasjonalt samarbeid gjennom Erasmus-prosjekt. Frå og med 2022 har Tuba og Gard overteke som eigarar av Ciderhuset. Neste generasjon veks til og har sjølvsagt både frukt frå hagen og Balholm-most i glaset som favoritt.